Sjoppe yn'e stêd

Fan hús út haw ik meikrigen dat as heit my wat freget dan doch ik dat. Dat is respekt foar dyjinge dy't tegearre mei mem derfoar soarge hat dat ik op'e wrâld kaam bin.
Dat as heit my dan skillet om efkes nei it wurk de stêd yn te gean foar in elektroanysk boartersguodsje en dat hy dan wol soarget dat de bern te plak komme nei skoalletiid dan doch ik dat. Ik hie it mier al in bytsje yn om't ik de filebui al hingjen seach, mar och, sa koe ik efkes "lekker" Sinteklazesjoppe.

Ik moat tajaan, ik wie der yn in sucht en in skeet. 3 km ôfstân tusken parkearplak wurk en parkearplak winkelsintrum. Bytsje mazzel mei it parkearplakje, der gie krekt ien fuort en it doaske mei elektroanika lei al foar my klear.

In gefoel fan folsleine frijheid kaam oer my doe't ik op it klokje seach dat it noch mar kertier oer trijen wie en de wittenskip dat de bern noch lang net ûnwennich fan my wiene. Mei goede moed stapte ik de winkel yn wêrfan de namme liket op dy fan in sportskoalle en by it ynrinnen fan de saak foel my op dat it er ek sa rûkte. In mjuks fan sâlte switdamp en soerige alcoholasem boarre myn noastergatten wiidiepen. Lavearjend tusken it publyk troch socht ik nei lytsguod foar de surprises fan de bern foar it skoallesinteklazefeest. Hoi kollega... Ach gossie wat in skatsje dêr yn dy bernewein... Nee hear jo steane der hielendal net foar... Geane jo mar earst. It presintsje foar it famke hie ik al ridlik gau fûn. Foar it jongespresintsje koe ik neat gaadliks fine, dat ik tôgje nei de kassa. Ik seach it gea ris oer en betocht my yn ien tel. Subtyl liet ik it boartersguod efter en naai út, de trep del en fuort! Nei bûten!

Dan mar efkes nei dy saak wêr't se sizze dat se net gek binne. Ien blik yn'e de doariepening en ik wie wer fuort. Wol 100 tillefysjes oan mei allegearre itselde beweegjende byld, dêr kin dit mokkeltsje net sa hiele goed oer. Tefolle prikkels. No soene je sizze kinne, dan sjochst er dochs net nei. No sa wurket dat by my net. Ik moat er dan júst wol nei sjen. Kin soks net helpe.

Nei in oerke hie ik ferskate winkels ynwest en neat kocht. Myn man soe wiis mei my wêze. Sa'n súnige frou. Doe de auto yn. En de dyk op... Sjoch earst mar ris it parkearplak ôf te kommen. En dan dy hiele stêd wer troch. Om kertier oer fjouweren. Wylst de spits op gong komt harkje ik nei in JanneWietske dy't út'e skroeven is mei har finaleplakje yn the Voice... Oh nee sorry... Yn de race om dy kulturele haadstêd te wurden. Dat giet oer deselde stêd wêr't ik yntusken al in heal oere besykje út te ontsnappen. Tsjin fiven ryd ik dan mei myn lytse brikje ús eigen gritenij yn en by de lokale supermerke helje ik rap wat te iten foar de jûns. Thús hear ik noch krekt it lêste stikje fan it fraachpetear mei ús Orakel Rypma en sa begjint stadichoan de rêst wer wat by my yn te sakjen.

Letter op'e jûn, lang neidat dúdlik wurden is dat friezen wis en warachtich wol oer ynternet beskikke en sels sa gek yn'e holle binne jild te fergriemen oan djoere smskes sjogge wy nei in reklameblokje: everyday low pricing, high service: nu gratis bezorging.

Ik hie my dat ritsje dus besparje kind. It pakketsje hie gewoan fergees thúsbesoarge wurde kind.

Mar dan hie ik no gjin blogje hân. Dat dan wer net.

Suffe nerd

Sûnt maart dit jier haw ik in iPhone. Myn man seit wol dat ik mear troud bin mei dy tillefoan dan mei him. En it is wier.. Ik besteegje in soad tiid oan dat apparaat.
Ik gie der dan ek fan út dat der gjin geheimen en riedsels wiene foar my. Fan eltse app haw ik ferstân.

As jimme sjogge nei myn bloch dan falt op dat ik sûnt de komst fan myn tillefoan net mear blogt ha. Yn'e haadsaak komt dat troch it feit dat de kompjûter net folle mear oan is (iPhone is it foar my no) en it is in sport wurden om yn 140 karakters dúdlik te meitsjen wat my dwaande hâld. Mei oare wurden: Twitter.
Dizze bloch wie yn mobile ferzje net hiel handich. Tocht ik...

Oant no ta. Yniens betocht ik my: Soe der ek in app foar wêze? En fansels! Ek foar dizze blog is in app.

Dat fanôf no sil ik wer ris wat faker in blochje skriuwe. Kinne jimme ek op'e hichte bliuwe fan wat er op myn paad komt troch de stimmebank fan www.praatmarfrysk.nl. En ek mei de band www.baconandbones.nl bart er fan alles. Sil ik ek sa no en dan wat oer skriuwe.

En oh ja: Ek netFacebookfreonen kinne my no in berjochtsje stjoere op Facebook. Ek dat wie ien fan de riedsels dy't hjoed ûntrafele is. Ik krige eltse kear útnoegings mar gjin taljochting en fûn it eins in bytsje aso. Mar wit no dat it net oars koe. Hie de ynstellingen net goed stean. Ja, ek ik wit net alles. In soad.. Mar net alles...

Ta neitinken oan Douwina

Hjoed alwer twa jier lyn...

As ik myn eagen slút sjoch dy fan dy
Glinsterjend moai, fonkeljend as twa stjerren

Sa geef, sa suver wie dyn wêzen
Sa tear, sa brekber dyn lichemskrêft

As of wy fanôf dyn earste sykheljen
Al wisten, do wiest in ingel

In lyts suchtsje wyn folge dyn stappen
It boarte mei de linten yn dyn gouden hier

Eltse kâlde siele oerstreamde fan waarmte
By ien laits en ien glimke fan dy

Lit ús as wy de kjeld wer oer ús kommen fiele
Ús eagen slúte en dyn twa stjerkes wer foar ús sjen

Wit, myn leave faam, dyn krêft en dyn waarmte sit
Foar altyd yn ús hert

Twitter

Nick & Simon
Zegt wellicht iets over jou...? SK RT @MaaikeBakkerFan: Iedereen kan me uitleggen wie Nick en wie Simon is, maar ik onthoud het nooit...

carlavanhoorn
@nickensimontwit @maaikebakkerfan het is zo eenvoudig: SK is Simon en N is Nick

MaaikeBakkerFan
@carlavanhoorn @nickensimontwit Ja, dat snap ik ook, maar ik weet op tv bijv nog niet wie wie is XD Wil onthouden, lukt alleen niet :(

carlavanhoorn
@MaaikeBakkerFan ooooh, bedoelde je dat? ;-) @nickensimontwit

MaaikeBakkerFan
@carlavanhoorn @nickensimontwit Nou, gwn, wie Nick is en wie Simon, op foto's enzo, ik wil heto nthouden, maar't lukt nooit, echt faal

Amberaarts
@MaaikeBakkerFan @carlavanhoorn @nickensimontwit kijk naar het haar ! Dat van Simon is langer en er zit slag in.

carlavanhoorn
@amberaarts @maaikebakkerfan nu moeten jullie echt ophouden, ik lig zowat onder de bank! Hilarisch! Whaaaah @nickensimontwit

MaaikeBakkerFan
@carlavanhoorn @amberaarts @nickensimontwit Uhm.... Euh, ik ga zo toch slapen :) Misschien dromen wie nick en wie simon is :P #notforgetit